(اهداء الى كلي رقة )

الشعر في غير فوفو مايزين

والعمر من دون فوفو ماأبيه

إيه أنا والقلب فيها مغرمين

ومن نشدني هي غرامك؟..قلت إيه

فوفو عشقي والمحبه والحنين

فوفو درب(ن) أبتديه وأنتهيه

هي غرام(ن) بالوفا فيني دفين

هي هيام(ن) بالمحبه مشتريه

يابعد كل الغلا حبك مكين

في خفوق(ن) بالمحبه تسكنيه

ياغرامي لك حياتي إطلبين

لك بنفّذ كل أمر(ن) تطلبيه

من يديك اليسرى كلي لليمين

طوع أمرك حاضر(ن) باللي تبيه

شاعرك يابنت عمي مايلين

والشعر خيل(ن) جموح(ن) يمتطيه

لا نثر شعره يذوب الياسمين

والمدى يختال في كبر(ن) وتيه

والقوافي تنتشي رقه ولين

والخوافق بالمشاعر تحتويه

ميّزه ربي عن الناس أجمعين

بالخفوق المغرم اللي تملكيه

دايما ً صادق وله عقل(ن) رزين

شاعر(ن) والشعر دربه يحتريه

يعشقونه معجبات ومعجبين

والعذارى شوفي ذابن ذوب فيه

بس غرامك في ضلوعه مستكين

ولو قلوب الناس كلها تهتويه

وافي والإخلاص طبع المخلصين

وحده حبك مالي الدنيا عليه

في خفوقه وحدك اللي تسكنين

ومهما كنتي..ذاب فيك وتعجبيه

ماهو عاشق مثل باقي العاشقين

مو طبيعي هذا ياللي تعشقيه

فوفو شوفي..لو حقيقي تعشقين

إخذي قلبي بس دخيلك إحفظيه

لو تبينه قولي إنك تقدرين

تحفظينه وبالمحبه تحضنيه

لاتزيدي فيه حسرات وأنين

وبالتجافي تشعليه وتحرقيه

يكفي إنه فيه جرح(ن) من سنين

لاتزيدي الجرح جرح وتجرحيه

هو يحبك وإنتي ست العارفين

وإنتي أكثر بنت لاشك تعرفيه

لو قدرتي تهتوينه..إهتوين

ولو عليك الحب يصعب إتركيه

مايهمك لا تثوري وتزعلين

الغلا بحر(ن) وصعب(ن) تقدريه

ودام حبك فيه يا فوفو مكينن

وبالموده والمحبه تسكنيه

راح أردد فوفو عشقي والحنين

والعمر من دون فوفو ما أبيه